100% Val Miñor / 100% Independente

Toda a actualidade do Val Miñor

Hemeroteca (2009-2015)

Comunicado de EQUO Val Miñor en relación ao Manifesto Miñor

Publicada el 17 Ee diciembre Ee 2014 a las 16:45


EQUO Val Miñor emitiu esta tarde un comunicado ante a publicación nalgúns medios escritos da noticia de que veciños do Val Miñor traballan nunha candidatura para as eleccións municipais de próximo mes de maio, e na que se menciona a formación política nos comentarios nos que se refiren aos partidos, asegurando que EQUO impón condicións.


“Consideramos positivas iniciativas como esta de cara a que a veciñanza participe activamente nas candidaturas para as vindeiras eleccións sempre que esta participación sexa inclusiva e transparente”, asegura o voceiro de EQUO Val Miñor, Óscar Milego.


Para aclarar cales poden se estas condicións, EQUO achega o documento enviado aos promotores do chamado “Manifesto Miñor”:


EQUO quere sumarse ás iniciativas cidadás que xurdan en Galicia de cara a conformar unha lista unitaria para as eleccións municipais do 2015 e que aglutinen unha maioría de partidos, asociacións e colectivos que estean alonxados das políticas que se veñen facendo na maioria dos concellos galegos durante os derradeiros anos.


Polo tanto, EQUO está aberto a sumarse a iniciativa xerada no Val Miñor, que ten forma como “Manifesto Miñor”, mostrando o seu apoio e traballando para que esta iniciativa se leve a cabo, sempre e cando esta iniciativa cumpra as normas de participación e os obxectivos programáticos básicos acordados pola asamblea de EQUO Galicia. Esta candidatura debe ser unha candidatura inclusiva que aglutine o maior espectro de forzas que queiran sumarse ao proxecto.


Consideramos que no Val Miñor se levan anos facendo políticas que alonxan as institucións das súas veciñas e veciños, polo que avogamos que nesta lista unitaria, a participación veciñal, a transparencia, a equidade e a sostenibilidade sexan os eixos fundamentais de cara a conformación das listas e o programa, así como as premisas indispensables das persoas que resulten escollidas para ás listas das vindeiras eleccións municipais.


Dende EQUO cremos indispensable que se traballe nun programa común para todo o Val, tratando de darlle un contido real e máis efectivo á Mancomunidade do Val Miñor co fin de poder mancomunar servizos públicos municipais tan esenciais como: transporte público, auga e saneamento, mantemento de espazos verdes, residuos sólidos urbanos, policía local, turismo,etc. tomando como referencia o polígono industrial de Porto Molle como motor da recuperación económica no Val Miñor tratando así de aglutinar a maioría de empresas que están dispersas en pequenas areas industriais da comarca, para ter un control máis efectivo dos residuos industriais e favorecer un mellor tránsito de mercadorías e vehículos pesados.


Categorías: Val Miñor, Sociedade, Galego

Publicar un comentario

Uy!

Uy, se olvidó de algo.

Uy!

Las palabras que ha ingresado no coinciden con el texto dado. Por favor, inténtelo de nuevo.

¿Ya es miembro? Iniciar sesión

97 comentarios