100% Val Miñor / 100% Independente

Toda a actualidade do Val Miñor

Hemeroteca (2009-2015)

O 51º Rally Rías Baixas chega ao seu fin con grande éxito de público e organización

Publicada el 30 Ee mayo Ee 2015 a las 15:00


REDACCIÓN.- A Escudería Rías Baixas e os máis de medio millar de voluntarios que colaboran na organización da cuarta proba puntuable do Campionato de España de rallys de asfalto sacaron adiante con éxito, un ano máis, o "Rías".

 

A carreira transcorreu sen incidencias, o público soubo gozar con sentido da competición e os pilotos non defraudaron. O bo tempo acompañou e animou os afeccionados a acudir aos distintos tramos polos que se celebrou a 51º edición do Rally Rías Baixas. A presenza de seguidores en cada unha das especiais foi masiva.

 

Os parques pechados de Gondomar e Porriño espertaron tamén unha enorme expectación e levaron a esas localidades a centos de afeccionados que non quixeron deixar escapar a oportunidade de ver de preto a espectacularidade dos vehículos de competición nas súas rúas máis céntricas.

 

No estritamente deportivo, lograron rematar o Rally, 52 dos 72 equipos que tomaron finalmente a saída. Entre os abandonos máis destacados, Esteban Vallín, Daniel Marbán, Alberto Meira, Santiago Cañizares, Ángel Paniceres e Edgar Vigo.

 

Cerimonia de entrega de trofeos

 

Os mellores deste 51º Rally Rías Baixas recibiron a homenaxe do público na Cerimonia de Entrega de Trofeos que se celebrou no recinto feiral de Cotogrande, acto que contou coa presenza do Secretario Xeral para o Deporte da Xunta de Galicia, José Ramón Lete Lasa, a deputada provincial en funcións Marta Iglesias, o alcalde en funcións de Porriño Nelson Santos, o concelleiro de deportes en funcións de Porriño Alejandro Lorenzo, a concelleira de Turismo de Gondomar, Paula Bouzós, e o presidente da Real Federación Española de Automobilismo, Carlos Gracia.

 

Declaracións dos pilotos

 

MIGUEL FUSTER (gañador)

“Encantoume a proba. Competín moi a gusto. Saíume todo ben nas dúas etapas e puiden conseguir a vitoria. Estou moi contento".

 

IVÁN ARES (segundo clasificado):

"É incrible. O ano pasado estaba a axudar ao equipo de Alberto Meira e este ano subido ao caixón máis alto do podio. Estou nunha nube. Pelexar ata o último tramo co actual Campión de España por ese segundo posto é un soño. Todo saíu perfecto. Dou as grazas ao equipo que teño e aos meus amigos que me patrocinan".

 

SERGIO VALLEJO (terceiro clasificado):

"Felicitar a Fuster e Ares. Se tivese feito na primeira pasada polos tramos estes que na segunda tivese gañado, pero non puido ser".



Categorías: Val Miñor, Deportes, Galego

Publicar un comentario

Uy!

Uy, se olvidó de algo.

Uy!

Las palabras que ha ingresado no coinciden con el texto dado. Por favor, inténtelo de nuevo.

¿Ya es miembro? Iniciar sesión

0 comentarios